Rossiyaning Krasnoyarsk o`lkasida terrorchilikda ayblangan o`zbekistonlik erkak 9 yilga qamaldi. Bu haqda TASS xabar berdi.
Xabarda aytilishicha, Krasnoyarskda yashovchi O`zbekiston fuqarosi ekstremistik g`oyalarni targ`ib qilgan hamda odamlarni "Tavhid va jihod katibasi" xalqaro terrorchilik guruhi tarkibida jang qilishga undagan. Unga ergashgan Tojikiston fuqarosi terrorchilik harakatlarini oqlab, taqiqlangan videolarni namoyish qilgan.
O`zbekistonlik erkak 9 yilga ozodlikdan mahrum qilingan bo`lsa, Tojikiston fuqarosiga nisbatan ma`muriy javobgarlik qo`llanib, Rossiyadan deportasiya qilingan.
