Eron Tashqi ishlar vazirligi Rossiyaning Ukrainaning vaqtincha bosib olingan Donesk, Lugansk, Xerson va Zaporoje viloyatlarida uyushtirgan "referendumlar"ni tan olmasligini bildirdi.
Bu haqda Eron Tashqi ishlar vazirligi vakili Nosir Kananiy brifingda ma`lum qildi, deya xabar bergan vazirlik matbuot xizmati.
“Islom Respublikasi, har doimgidek, o`zining prinsipial pozisiyalariga muvofiq, xalqaro huquqning asosiy normasi sifatida barcha davlatlarning suvereniteti va hududiy yaxlitligi tamoyilini to`liq hurmat qilish hamda BMT Nizomi tamoyillari va maqsadlarini hurmat qilish zarurligini ta`kidlaydi”, - dedi Kanani.
Uning so`zlariga ko`ra, Eron “tinchlik, barqarorlik va osoyishtalik yo`nalishini buzishi mumkin bo`lgan har qanday provokasion harakatlarga” qarshi.
Eron Rossiyaning kam sonli ittifoqchilaridan biri hisoblanadi. Shunga ko`ra, Tehron Rossiya armiyasini Ukraina Qurolli kuchlari janubiy yo`nalishda muntazam ravishda urib tushiradigan uchuvchisiz uchoqlari bilan ta`minlayotgani xabarlar tarqaldi. Biroq, Eron Rossiyaga Ukrainadagi urush uchun uchuvchisiz uchoqlar etkazib berganini rad etdi.
"Eron Islom Respublikasi Ukrainadagi mojaroda foydalanish uchun Rossiyaga (Eron) uchuvchisiz samolyotlar etkazib berilishi haqidagi e`lon qilingan xabarni asossiz deb hisoblaydi va ularni tasdiqlamaydi", deydi Eron Tashqi ishlar vazirligi matbuot kotibi Nosir Qani.
