Birinchi va ikkinchi sinf o`quv mahsulotlari aprobasiya qilinadi

Prezident administrasiyasi qoshidagi ishchi guruh ta`lim sifatini oshirish, zamonaviy dasturlar, yangi o`quv qo`llanmalarini yaratish ishlarini boshladi. Hozirda birinchi sinfdan to ikkinchi sinfgacha bo`lgan barcha o`quv mahsulotlari aprobasiya uchun tanlab olindi. Bu haqda O`zA xabar bermoqda.

"Hurmatli boshlang`ich sinf o`qituvchilari! Agarda siz ushbu aprobasiya ishlarida qatnashish istagida bo`lsangiz  talim2023.uz veb-sayti yoki @talim2023_bot telegram boti orqali ro`yxatdan o`tib, o`zingiz haqingizda ma`lumot qoldirishingiz mumkin. Biz albatta siz bilan bog`lanamiz va sizni ishchi guruhimizga taklif qilamiz", deyiladi xabarda.