Yana bir guruh davlat fuqarolik xizmatchilari Milliy kadrlar zaxirasiga olindi. Bugun nomzodlar ishtirokida ochiq muloqot tashkil etildi.
Davlat xizmatlari agentligi xabariga ko`ra, ular endilikda Agentlik tomonidan ishlab chiqilgan maxsus dastur asosida malaka oshiradi.
"Nomzodlar 2 500 nafar davlat fuqarolik xizmatchisi orasidan saralandi. Ular uchun bugundan masofaviy malaka oshirish kurslari boshlandi. Shuningdek, nomzodlar uchun vazirlik va idoralarda amaliyot, xorijiy stajirovka ham tashkil etiladi",-deyiladi xabarda.
Ma`lum qilinishicha, tizim ilg`or xorijiy tajriba va milliy amaliyot uyg`unligi asosida takomillashdi. Maqsad — milliy, respublika, tarmoq va hududiy darajalarda professional tayyorlangan samarali kadrlar zaxirasini shakllantirish.
