O`zbekiston respublikasi Prezidentining "Avtotransport vositalaridan foydalanishda aholiga qo`shimcha qulayliklar yaratish chora-tadbirlari to`g`risida" qaroriga muvofiq, joriy yilning 1 sentyabridan boshlab haydovchilarga qulaylik yaratuvichi quyidagi tartiblar amalga tatbiq etiladi.
Xususan,
- jismoniy shaxslarga tegishli ishlab chiqarilganiga 10 yilgacha bo`lgan engil avtomototransportlar texnik ko`rikdan ixtiyoriy ravishda o`tkaziladi.
- engil avtomototransportlar quyidagi muddatlarda majburiy texnik ko`rikdan o`tkaziladi:
- ️ishlab chiqarilganiga 11 yildan 14 yilgacha bo`lgan engil avtomototransportlar – 2 yilda bir marta;
- ️ishlab chiqarilganiga 15 yil va undan ortiq bo`lgan engil avtomototransportlar – 1 yilda bir marta.
Bunda mazkur muddatlar tijorat asosida yo`lovchilar tashish faoliyatida foydalaniladigan engil avtomototransportlar uchun tatbiq etilmaydi.
