AQSh Prezidenti Jo Bayden payshanba kuni Ukraina etakchisi Vladimir Zelenskiyga telefon qilib, Vashington Kievga harbiy yordam yuborishi haqida ma`lumot beradi va Mustaqillik kuni bilan tabriklaydi. Bu haqda Oq uy ma`muriyati xabar berdi.
Shu bilan birga Vashington hozircha Baydenning Zelenskiy bilan uchrashuvi to`g`risida ma`lumot yo`qligini bildirdi.
“Davlat kotibi Entoni Blinken va Mudofaa vaziri Lloyd Ostin Kievga borishdi. Bu davlatda bizning elchimiz faoliyat ko`rsatmoqda. Ukrainalik hamkorlarimiz bilan aloqamiz yaxshi”, deyiladi xabarda.
Chorshanba kuni Bayden Ukrainaga 2.98 milliard dollarlik harbiy yordam berilishini aytgani to`g`risida xabar tarqalgandi.
Qo`shma Shtatlar joriy yil yanvar oyidan beri Ukrainaga 13.5 milliard berdi, 2014 yildan bu yo-iga esa ko`mak miqdori 15.5 milliarddan oshgan. Bu ma`lumotni Mudofaa vazirligi matbuot kotibi Pet Rayder tasdiqladi.
