Oltinsoy tumanida 2021 yil 15 dekabr kuni soat 09:00 larda, shu tumanda yashovchi, S.Sarvar (ism shariflar o`zgartirilgan) va turmush o`rtog`i, J.Diyoralar yashash uyi yonida, qo`shni bo`lib yashovchi, akasi S.Sardor bilan qarz masalasida janjallashishadi.
Janjal vaqtida akasi S.Sardor qo`lidagi tosh bilan kelini J.Diyoraning bosh qismiga urib tan jarohati etkazgan vaqtida, S.Sarvar akasi S.Sardorni qo`li bilan duch kelgan joylariga urib tan jarohati etkazgan.
Surxondaryo viloyati IIB Axborot xizmati bergan ushbu xabarga ko`ra, janjal natijasida J.Diyora va S.Sardorlar tan jarohati olgan. 15 dekabr kuni S.Sardorga nisbatan O`zbekiston Respublikasi Jinoyat kodeksining 104-moddasi 1-qismi va S.Sarvarga 105-moddasi 1-qismi bilan jinoyat ishi qo`zg`atilgan.
