Oliy Majlis Senati axborot xizmatining bergan ma`lumotiga ko`ra, Surxondaryo viloyati, Uzun tumani aholisining toza ichimlik suvi muammosini hal etish uchun senator mas`ul tashkilotlarga senatorlik so`rovini yuborgan edi.
Bu orqali tuman bo`yicha 20 ta MFY hududida yaroqsiz ahvolda bo`lgan suv qududlari nasoslarini almashtirish reja qilingan.
Ta`kidlanishicha, menatorlik so`rovi natijasida shu kunga qadar tumanning 3ta mahallasida 3ta ESVU-6-10 markali suv nasoslari o`rnatib berilgan edi.
Ushbu ishlar noyabr oyida ham davom ettirilib, tumanning “Yangi kuch", “Chinor” va “Karer” kabi mahallalarida yana 3 dona yangi ESVU-6-10 markali suv nasoslari o`rnatilib, aholi toza ichimlik suvi bilan ta`minlangan.
"Natijada mahallalardagi 10 000 nafardan ortiq aholining toza ichimlik suvi bilan bog`liq muammosi hal etildi",-deyiladi xabarda.
