Bolgariyadagi Struma shossesida Shimoliy Makedoniyadan kelgan sayyohlik avtobusi YTHga uchradi. Bu haqda TASS yozmoqda.
Ma`lum qilinishicha, hodisa taxminan soat 03:00da sodir bo`lgan, voqea joyida 45 kishi halok bo`lgan, ulardan 12 nafari bolalar, avtobusda jami 52 kishi bo`lgan.
O`t o`chirish boshqarmasi boshlig`i Nikolay Nikolovning ta`kidlashicha, avariya Struma shossesining 31-kilometrida sodir bo`lgan, YTHdan keyin sayyohlar avtobusi yonib ketgan.
Voqea joyida tezkor-tergov harakatlari davom etmoqda.
Tez tibbiy yordam shifoxonasi kuyish klinikasi professori Maya Argirova jabrlanganlarning hayotiga hech qanday xavf yo`qligini, ular kuyish va tan jarohatlari bilan kasalxonaga yotqizilganini aytdi. Jabrlanganlarning qo`llari, yuzlari va yuqori nafas yo`llarida kuyishlar bor.
