Xorazm viloyatida xorijda ishlash istagida bo`lgan fuqarolar uchun Rossiya Federasiyasining “Spesializirovanny zastroyshik Dom-59” va "Velosstroy" korxonalari tomonidan qurilish sohasining turli yo`nalishlarida mavjud bo`sh ish o`rinlari uchun tanlov bo`lib o`tmoqda.
Tanlovlarda nomzodlar kasbiy malaka va til bilish darajasiga ko`ra suhbat asosida ish beruvchi vakillari tomonidan tanlab olinmoqda.
Tanlovlardan o`tgan fuqarolarga Rossiya Federasiyasida ishlash huquqini beruvchi patent O`zbekistonda rasmiylashtiriladi hamda tibbiy ko`rikdan o`tkazish, emlash, patent rasmiylashtirish, transport, yashash xarajatlari ish beruvchilar tomonidan qoplanishi ko`zda tutilgan.
Tanlovlardan o`tgan fuqarolar tashkiliy tarzda qurilish ob`ektlariga yuboriladi.
