Жорий йилнинг 1 декабридан бошлаб Uzreport Tv телеканали Ямал 401 сунъий йўлдоши орқали эфирга узатила бошлади. Бу ҳақда телеканал расмий сайтида маълум қилинди.
“Эндиликда спутник антеннага эга бўлган ҳар бир инсон Ўзбекистоннинг исталган нуқтасидан туриб Uzreport Tv телеканалини ўзи хоҳлаган вақтда томоша қилиш имконига эга бўлди”,- дейилади хабарда.
Телеканал маъмурияти шунингдек, ушбу янгилик футбол ишқибозларини ҳам хурсанд қилишини таъкидламоқда. Сабаби, Uzreport Tv телеканали Европа Чемпионлар лигаси ва Англия Премьер лигаси баҳсларини жонли эфирда намойиш қилмоқда.
