Рустам Сагдуллаев “Киношок” фестивали ҳаками

Россиянинг Анапа шаҳрида 13-20-сентябрь кунлари бўлиб ўтадиган МДҲ давлатлари, Латвия, Литва ва Эстония киноижодкорларининг “Киношок” фестивали ҳакамлари таркиби эълон қилинди.

Унинг аъзолари орасида ўзбекистонлик таниқли актёр ва режиссёр Рустам Сагдуллаев ҳам бор. Режиссёр Ёлқин Тўйчиевнинг “Ҳаётда” фильми ҳам фестивалга йўл олади. Ким билсин, балки мазкур фильм фестивалнинг бош соврини —“Олтин новда” га лойиқ кўрилар.