АҚШ Давлат департаменти ҳорижий элчихоналаридаги ускуналар билан юзага келган муаммоларни бартараф этгани ҳамда виза олишни қайта тиклагани ҳақида маълум қилди. Департамент котиби ўринбосари Марк Тонернинг таъкидлашича, мамлакатнинг барча элчихона ва консулликлари 30 июндан эътиборан аввалги тартибда ишламоқда.
21 дан 29 июнгача визалар чекланган тартибда расмийлаштирилди, аммо ушбу даврда ҳам 410 мингдан ортиқ ариза кўриб чиқилди, бу эса катта навбатлар юзага келишини олдини олди.
Эслатиб ўтамиз, визалар беришдаги узилишлар 13 июндан юз бера бошлади. Уларни бартараф этиш билан 100 дан ортиқ мутахассислар шуғулланишди.
