Ҳиндистоннинг Уттар-Прадеш штатида улкан олтин кони топилди. Бу кондаги олтин олти минг тонна деб айтилмоқда. Маълум бўлишича бу мамлакатдаги мавжуд қимматбаҳо металл захираларидан 5 марта кўпдир.Бу ҳақда The Times of India нашри хабар берди.
Reuters агентлигининг билдиришича, кон муваффақиятли қайта ишланса, мамлакат ўзининг олтинга бўлган эҳтиёжини қисман қондириши мумкин бўлади. Маълумот берилишича, ҳозирда Ҳиндистонда йилига икки-уч тонна олтин қазиб олинади ва қимматбаҳо метални хориждан келтиришга мажбур бўлинмоқда.
Times of India газетасининг ёзишича, агарда олимларнинг ҳисоб-китоби тўғри бўлса, мамлакат олтин захираси бўйича дунёда АҚШдан кейинги иккинчи ўринга чиқиб олади.
Ҳозирги кунда Ҳиндистоннинг олтин захиралари 620 тонна деб баҳоланади, АҚШники эса 8,1 минг тонна. Германия олтин захиралари бўйича иккинчи ўринда - 3,4 минг тонна.
