Туркманистон туманларидан бирида юқори лавозимда ишловчи қирқ ёшдан ошган эркакларга сочини қорага бўяш тақиқланди. Бу ҳақда Лента.ру хабар берди.
Туркманистондаги айрим бюджет ташкилотлари ходимларининг таъкидлашича бу тақиқ оғзаки тартибда эълон қилинган.
Айтишларича бу тартиб мамлакат президентининг шу ҳудудга яқин кунларда ташрифи билан боғлиқ. Яъни президент ташрифи чоғида уни ўзи каби оқсоч раҳбарлар кутиб олиши керак.
Шу муносабат билан барча мактаб ва боғчаларга Президентнинг сочи қоралик пайтидаги портретлари ўрнига сочи оқарган вақтидаги портретларини илишга буйруқ берилган.
