Аввал хабар берганимиздек, айни пайтда Ўзбекистон Республикаси Президенти Шавкат Мирзиёевнинг Олий Мажлис Сенати ва Қонунчилик палатасига навбатдаги Мурожаатномаси тақдим этилмоқда.
Унга кўра, 2019 йилда қилинган ишлар ва келгуси йилда режалаштирилган лойиҳалар ҳақида маълум қилинди.
Хусусан, она тилини ўрганиш ва тилни такомиллаштиришни назарда тутувчи таклифлар берилди.
“Она тили бўйича миллий тест синови жорий этилишини таклиф қиламан. Ёшлар бу бўйича йилнинг исталган пайтида имтиҳондан ўтади ва ўз билим кўрсаткичи сертификатига эга бўлади. ОТМга кириш имтиҳоналари пайтида она тили фанидан қайта имтиҳон топширишига ҳожат қолмайди” , — деди давлат раҳбари.
