Хитойнинг Ухан шаҳрида яна 4 киши пневмониянинг янги тури бўлган ўта хавфли, юқумли вирусга чалинганлиги аниқланди.
Лаборатория тадқиқотлари касалликнинг кенг тарқалишига (2019-нCоВ) корона вируси сабаб бўлганлигини кўрсатди.
Ухан ҳокимлиги ҳузуридаги саломатлик комиссиясининг маълум қилишича, ҳозирда шаҳарда ўта юқумли вирусга чалинганлар сони 45 кишига етган.
Вирус туфайли 2 киши ҳаётдан кўз юмган, 5 киши оғир аҳволда. 15 киши шифохонадаги муолажалардан сўнг соғайиб чиққан.
Хитойда тарқалган янги касаллик вируси 16 январь куни Женевада Жаҳон соғлиқни сақлаш ташкилоти конференциясида муҳокама қилинди.
Эслатиб ўтиш жоизки, корона вируси 2019 йил охирида аниқланганди. Аввалига барча касалланганлар Хитойнинг Ухан шаҳрида қайд этилди. Шу йилнинг январь ойидан эътиборан бошқа мамлакатларда ҳам шу касалликка чалинганлар аниқлана бошланди. 16 январь куни Японияда Хитойдан келган беморни лабораторияда текшириб, бу пневмониянинг янги тури деган хулосага келишди. Таиландда ҳам худди шу касалликка чалинган бир нафар бемор аниқланган.
Хитойнинг Ухан шаҳрида тарқалган юқумли вирус 2002 ва 2003 йилларда юзлаб инсоннинг ўлимига сабаб бўлганди. Жумладан, 2003 йили Хитойда 349 киши, Гонконгда 299 киши вирус туфайли ҳаётдан кўз юмган эди.
