Мирзо-Улуғбек Абдусаломов, Марказий сайлов комиссияси Раисининг таъкидлашича, 22-декабрь куни бўлиб ўтган сайловларда Олий Мажлис Қонунчилик палатасидаги 150 депутатлик ўрни учун бешта сиёсий партиянинг 744 нафар номзоди кураш олиб борди.
Бугун Ўзбекистон Республикаси Олий Мажлиси Қонунчилик палатасига сайлов ўтказувчи 25 та Сайлов округларидаги 1730 та сайлов участкасида такрорий овоз бериш жараёни ўтказилади.
Ушбу округлардаги сайловчилар сони 3 миллион 148 минг 921 нафарни ташкил этади.
Шунингдек, Халқ депутатлари вилоят кенгашларига сайлов ўтказувчи 95 та Сайлов округидаги 1104 та сайлов участкасида ҳамда Халқ депутатлари туман ва шаҳар кенгашларига сайлов ўтказувчи 587 та Сайлов округидаги 1117 та сайлов участкасида такрорий овоз бериш бўлиб ўтади.
