2019 йилнинг 26 декабрь куни UzAuto Motors компанияси автомобиль ишлаб чиқариш ҳажми бўйича рекорд натижа қайд этди.
2019 йилда компания томонидан 250 минг дона автомобиль ишлаб чиқариш режаси қўйилган бўлишига қарамай, харидорларнинг талаб ва эҳтиёжларидан келиб чиққан ҳолда 271 098 дона автомобиль ишлаб чиқарилди. 2018 йилда ушбу кўрсаткич 220 минг донани ташкил қилганди.
Ушбу натижага компанияда амалга оширилган технологик ускуналар ҳамда ишлаб чиқариш жараёнининг модернизация қилиниши натижасида эришилди, дейилади хабарда.
