8 декабрь куни Россиянинг Ямало-Ненецк автоном округи Тазовск тумани Пякяхин конида содир бўлган ёнғин ҳақида аввал хабар берган эдик. Ушбу фавқулодда ҳолат Россия Федерациясининг Свердловск вилоятидаги конда бўлиб ўтган. Мазкур воқеа ҳақида ФВВ ҳам изоҳ берди.
Россия Федерацияси Фавқулодда вазиятлар вазирлигидан олинган хабарга кўра, 2019 йилнинг 8 декабрь куни маҳаллий вақт билан соат 03:30 да Россия Федерациясининг Свердловск области, Тазовск райони, “Строй Проект Сервис” МЧЖга тегишли бўлган, ишчилар яшаши учун мўлжалланган вагон номаълум сабабларга кўра ёниб кетган.
Содир бўлган ёнғин натижасида, вагонда бўлган 4 нафар Ўзбекистон Республикаси фуқароларидан 3 нафари воқеа жойида вафот этган ва 1 нафари 35 фоиз куйиш жароҳати олиб, район марказий шифохонасига ётқизилган.
Вафот этган фуқаролар:1. Эргашев Абдумалик Яхшиликович, 1972 йилда туғилган;2. Алиқулов Сафарали Суюн ўғли, 1998 йилда туғилган;3. Джумоев Эргаш Биноевич, 1983 йилда туғилган.Тан жароҳати олган фуқаро:1. Оманов Толибжон Бутаевич, 1966 йилда туғилган.Ҳозирда мутасадди ташкилот ва идоралар билан ҳамкорликда фожеа сабаблари аниқланмоқда. Шунингдек марҳумларнинг жасадларини ватанга қайтариш билан боғлиқ ишлар амалга оширилмоқда.
