"Ўзавтосаноат" компанияси "Ўзэкспомарказ"да очилган Саноат ярмаркаси ва кооперацион биржада қатнашди.
Кўргазмада UzAuto Motors автомобиллари моделлар қатори, UzAuto Trailerда ишлаб чиқарилган осма, тиркама техника, КАМАЗ юк машиналари, "JV MAN Auto-Uzbekistan" компанияси ва Самарқанд автомобиль заводи техникаси тақдим этилди.
Бундан ташқари, кўргазма павильонларида тармоқ корхоналарида ишлаб чиқарилган бутловчи деталлар ва халқ истеъмоли товарлари намойиш этилган.
Ярмарка доирасида иштирокчилар бир-бирларининг имкониятлари, таклифлари ва эҳтиёжлари билан танишиш, ҳамкорлик масалалари бўйича музокаралар ўтказиш, шунингдек савдо контрактлари ва шериклик келишувлари имзолашлари мумкин.
