Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисидаги Қонун қабул қилинди.
Мазкур Қонунга асосан баъзи давлат органларининг фаолияти такомиллаштирилиши муносабати билан 20 га яқин қонун ҳужжатларига ўзгартиш ва қўшимчалар киритилди.
Хусусан, Солиқ кодексига тадбиркорлик субъектларининг ҳуқуқларини ҳимоя қилиш бўйича вакил тадбиркорлар манфаатларини кўзлаб маъмурий судга берилган ариза (шикоят) юзасидан давлат божи тўлашдан озод қилинишига оид норма киритилди.
Шунингдек, “Прокуратура тўғрисида”ги Қонунга ўзгартириш киритилиб, прокуратура органлари ходимларига ижодий фаолият билан шуғулланишга рухсат этилиши ҳамда 20 йилдан ортиқ иш стажига эга бўлган ходимларга 15 календарь кун қўшимча таътил берилиши белгиланди.
Ҳужжатнинг расмий тўлиқ матни билан бу ерда танишинг.
