Куз-қиш мавсуми келиши билан сохта тадбиркорлар ҳаракатга тушиб қолган кўринади. "Божхона органлари томонидан товар моддий бойликларини юртимизга ноқонуний йўллар билан олиб киришга бўлган уринишлар ўз вақтида бартараф этилмоқда", - дея хабар бермоқда Давлат божхона қўмитаси Матбуот хизмати.
Жумладан, ''Олот'' чегара божхона постига қўшни мамлакатдан кириб келган “Мерседес-Бенц” юк автотранспорти божхоначилар томонидан тегишли тартибда кўздан кечирилди.
Натижада, автомашинадаги юклар билан уларга тегишли кузатув ҳужжатларида кўрсатилган маьлумотларда ўзаро номувофиқлик мавжудлиги маьлум бўлди.
Текширув жараёнида юк кузатув хужжатларида қайд этилган керамик плиткалардан ташқари, автомашинада умумий қиймати 458,39 миллион сўмлик уй иситиш учун мўлжалланган радиаторлар борлиги аниқланди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
