Ўзбекистон Республикаси Мудофаа вазирлиги шарафини ҳимоя қилиш масъулиятини олган ҳарбий хизматчиларV “Халқаро армия ўйинлари – 2019” доирасида шу йилнинг 3 – 17 август кунлари Россия Федерациясининг Омск шаҳридаўтказиладиган “РЕМБАТ”– “Энг илғор таъмирлаш ва эвакуация батальони”танлови олдидан тайёргарлик машғулотларини ўтади.
Унда ўзбекистонлик “РЕМБАТ”чилар шахсий таркиби мусобақа йўналишлариҳамдаҳарбий техникаларни синовдан ўтказди.
– Ушбу машғулотлар жараёнида вакилларимиз ҳудудга ва ҳарбий техникаларга тўлиқ мослашди, – дейди подполковник Исмоил Наврўзов. – Энг муҳими, йигитларнинг ўзларига бўлган ишончи мустаҳкам. Ғалабага эришиш учун озмунча тер тўкмадик. Насиб қилса, юртимизга ғалаба билан қайтамиз.
Эслатиб ўтамиз, мазкур мусобақа уч йилдан бери ўтказилади; жамоамиз эса унда илк бор қатнашмоқда.
Мудофаа вазирлиги Ахборот ва оммавий коммуникациялар департаменти
