Белорусь Республикаси мустақиллик куни муносабати билан пойтахт Минскда ташкил этилган мушакбозликда бир нафар аёл ҳалок бўлди яна беш нафар киши эса шифохоналарга ётқизилди.
Мамлакат соғлиқни сақлаш вазири Владимир Караникнинг сўзларига кўра 1955 йилда туғилган аёл шифокорлар томонидан кўрсатилган ёрдамга қарамасдан жароҳатлари жиддий бўлгани туфайли воқеа жойида ҳалок бўлган. Жароҳатланганларнинг беш нафари яқин атрофдаги касалхоналарга жойлаштирилган. Ҳозирда 1957 ва 1995 йилларда туғилган икки нафар эркак ҳамон шифохонада қолмоқда. Уларнинг аҳволи қониқарли эканлиги айтилмоқда.
Экспертларнинг фикрича, замбаракка нотўғри жойлаштирилган снаряд зарур баландликка кўтарилмасдан туриб портлаб кетган. Натижада эса яқин атрофдаги кишилар снаряд бўлакларидан жароҳатланган. Ҳозирда тергов қўмитаси аёл кишининг ўлими юзасидан текширув бошланган. Жиноий иш очиш масаласи эса ўрганиб чиқилмоқда. Ижтимоий тармоқларда эса воқеа юз берган жараёнлар акс этган видео тасвирлар тарқалмоқда.
