Дональд Трамп КХДР ҳудудига қадам ранжида қилган АҚШ тарихидаги илк президентга айланди. Бу ҳақда Ntdtv.ru нашри ҳабар берди.
У Ким Чен Ин ҳамроҳлигида демилитаризация ҳудудини кесиб ўтди. Трамп Япониянинг Осака шаҳрида бўлиб ўтган “Катта 20” лик давлатлари саммитидан сўнг Шимолий Кореяга ташриф буюрди. Ким Чен Ин ушбу қадам ёмон ўтмишнинг ортда қолгани ва янги келажакка йўл очишига ўзига хос ишора эканлигини таъкидлади. Расмий жараёнлардан сўнг Трамп ва Ким жанубий Корея ҳудудига ўтиб президент Мун Же Ин билан учрашди.
У ердаги “Тинчлик уйида” АҚШ ва КХДР раҳбарлари ўртасида музокаралар бўлиб ўтди. Шундан сўнг Трамп яқин ҳафта ичида икки томон мулоқот гуруҳини тузишини маълум қилди. У шунингдек, Ким Чен Инни Оқ уйга таклиф этиш ниятида эканлигини билдирди. Экспертлар ушбу учрашув Корея ярим оролини ядро қуролидан ҳоли ҳудудга айлантириш бўйича Пхеньян ва Вашингтон ўртасидаги музокараларнинг боши берк кўчадан чиқишига ёрдам бериши мумкинлигини таъкидлашмоқда.
