2019 йил 17 май куни Фарғона вилоятининг Риштон туманида яшаган Ш.Б. исмли аёл уйи ошхонасида газ плитасига уланган газ баллонини бошқа газ баллонига алмаштираётган вақтида улардан сизиб чиқаётган газдан ёнғин содир бўлган. Кўрилган чоралар натижасида ёнғин ўчирилган. Оқибатда уйининг 70 кв.м. майдонида ички ва том қисми ёниб зарар кўрган ҳамда Ш.Б. куйиш жароҳати олиб воқеа жойида вафот этган. Суриштирув ишлари олиб борилмоқда.
Ҳурматли фуқаролар, хонадонингизда газ ускуналаридан фойдаланганингизда хавфсизлик қоидаларига риоя қилинг. Газ техникаларининг соз ҳолда эканлигига ҳамиша эътибор қаратинг. Зеро, бу ўзингиз ва яқинларингиз хавфсизлигининг кафолатидир.
