97 ёшли америкалик ўз ишини ташламасликка қарор қилди, дея маълум қилмоқда CBS News ахборот портали.
97 ёшли Бенни Фицето супермаркетда харид қилинган маҳсулот ва буюмларни пакетга жойлашда харидорларга кўмак беради.
У бир ҳафтада икки марта тўрт соатлик иш сменасига чиқади. Шу боис иш вақтида сира дам олмайди.
Бенни 1980-йилларда нафақага чиққанига қарамай, меҳнат қилишдан тўхтагани йўқ.
“Мен ўзимни жамиятга фойдаси тегаётгандек ҳис этяпман. Шунчаки аҳмоққа ўхшаб яшаб бўлмайди. Инсон нима бўлган тақдирда ҳам меҳнатдан тўхтамаслиги зарур”, дейди Фицето.
Ўзининг илк ишини Бенни етти ёшида топади: у ўткинчиларнинг пойабзалини мойлаб берарди. Кейинчалик турли касбларда фаолият олиб боради. Уруш йилларида эса Африка ва Италияда хизмат қилади. Шундай экан, йигит кишига етмиш ҳунар ҳам оз.
