Австралияда кекса эр-хотинга адашиб 20 килограмм метамфетамин етказилди, деб хабар қилмоқда РИА Новости нашри.
Аввалига дори-дармон буюртирган кекса эр-хотин жўнатма учун имзо чекишган. Қутини очиб қарашганда эса унинг ичида гиёҳванд моддалар бўлган. Шундан сўнг улар полицияга мурожаат этишган.
Юз берган ҳодиса юзасидан полиция 21 ёшли мельбурнлик Чжилин Мани қўлга олди. Унинг уйи тинтув қилинганда яна 20 килограмм бошқа гиёҳванд моддалар топилган.
