Хитойда 30 000 тоннали автовокзал бошқа жойга кўчирилди, дея хабар берди Rai77.com нашри.
Сяминь шаҳри, Цзимэй туманида қурилган Houxi автобус вокзали бир кўчадан иккинчи кўчага кўчирилди.
Уч ер усти ва икки ер ости қаватига эга автобус терминали 288 метрга силжитилган. Узунлиги 162 метр, эни 33,6 метр бўлган бино Эйфель минораси вазнидан тўрт баробар оғирдир. Уни бошқа жойга кўчиришдан мақсад катта тезликда ҳаракатланувчи темирйўл поездлари учун йўл очишдир.
