Дунёда илк бор Интернет орқали мия операцияси ўтказилди, деб хабар қилмоқда Лайф нашри.
5G-тармоғи тиббиётгача етиб борди.
16 март куни Хитойнинг Санья шаҳрида жарроҳ 3 минг километр олисда туриб, беморнинг миясига чип ўрнатди.
Операцияни доктор Линг Жипей ўтказди. У операция палатасидаги экранга Интернет тармоғи орқали уланиб, операцияни амалга оширди. Паркинсон касаллиги мавжудлигини аниқлаб берадиган чипни Линг олисдан туриб беморнинг миясига ўрнатди.
Алоқа учун 5G-технологияси билан ишловчи мобиль интернетдан фойдаланилди.
