АҚШ давлат котиби Майк Помпео Венгрияга ташрифи чоғида Марказий Европада АҚШнинг таъсирини кучайтиришга уринди, деб хабар берди Day.Az нашри.
Венгрия Ташқи ишлар вазири Петер Сийярто билан пойтахт Будапештда ўтказилган учрашувлар чоғида Помпео Россия Ғарбий Европадаги бир қатор соҳаларда иккиюзламачиликка йўл қўяётгани ҳақида гапирди. Шунингдек, Помпео Россия ва Украина орасидаги вазиятда ҳам Будапештни Киевни қўллаб-қувватлашга чақирди. Ўз нутқи давомида АҚШ давлат котиби Майк Помпео Венгрияни Қўшма штатларнинг ҳарбий иттифоқдоши деб ҳисоблаш мумкинлигини ҳам қайд этди.
