AQSh davlat kotibi Mayk Pompeo Vengriyaga tashrifi chog`ida Markaziy Evropada AQShning ta`sirini kuchaytirishga urindi, deb xabar berdi Day.Az nashri.
Vengriya Tashqi ishlar vaziri Peter Siyyarto bilan poytaxt Budapeshtda o`tkazilgan uchrashuvlar chog`ida Pompeo Rossiya G`arbiy Evropadagi bir qator sohalarda ikkiyuzlamachilikka yo`l qo`yayotgani haqida gapirdi. Shuningdek, Pompeo Rossiya va Ukraina orasidagi vaziyatda ham Budapeshtni Kievni qo`llab-quvvatlashga chaqirdi. O`z nutqi davomida AQSh davlat kotibi Mayk Pompeo Vengriyani Qo`shma shtatlarning harbiy ittifoqdoshi deb hisoblash mumkinligini ham qayd etdi.
