Франциянинг ғарбий қисмига “Габриэл” циклони кириб келди, дея маълум қилди Trend нашри.
Айни вақтда ёғаётган тинимсиз қор бир қатор муаммоларни келтириб чиқармоқда. Биргина пойтахт Парижнинг ўзида транспорт қатновлари издан чиққан. Темирйўл ва аэропортларда кўплаб рейслар бекор қилинди. Шунингдек, циклон туфайли 40 мингдан ортиқ уйлар электр қувватидан маҳрум бўлган. “Electricity de France” компаниясининг мингдан ортиқ ходимлари электр таъминотини тиклашга уринишмоқда.
