Марказий Америкада ҳаракатланаётган мигрантлар карвони Мексиканинг Веракрус шаҳрига етиб келди, дея хабар қилди Лента.ру нашри.
Карвоннинг асосий таркиби Гондурас фуқароларидан иборат. Улар шаҳардаги бозор ва хиёбонларга жойлашиб олишган. Мексика ҳукумати уларга тиббий ёрдам кўрсатиш билан бирга, озиқ-овқат маҳсулотлари билан ҳам таъминлайди.
АҚШ президенти Дональд Трамп ўз чегарасини ноқонуний муҳожирлардан ҳимоя қилиш позициясида ҳамон қатъий турибди. У Мексика билан АҚШ чегарасида девор қуриш учун Конгресс рухсатини кутиб ўтирмаслигини маълум қилган.
