Нижегород давлат лингвистика ва Алишер Навоий номидаги Тошкент давлат ўзбек тили ва адабиёти университетлари ректорлари ўртасида бўлиб ўтган музокаралар давомида бу борада келишувга эришилди.
Шу йилнинг 21 январь куни Нижегород давлат лингвистика университети ректори Борис Жигалов бошчилигидаги делегация Алишер Навоий номидаги Тошкент давлат ўзбек тили ва адабиёти университетига келди.
Ўтказилган музокараларда келгуси ўқув йилидан бошлаб туризм, таржима, халқ дипломатияси, социология соҳалари бўйича магистратура ва бакалавриатура йўналишларини ташкил этиш бўйича аниқ таклифлар билдирди.
Қолаверса, ёш ва иқтидорли кадрларни Нижегород давлат лингвистика университетининг аспирантурасида ўқишлари учун имкон яратиш ва уларни қўллаб-қувватлаш масаласи ҳам ижобий ҳал этилди.
