Туркманистон Президентининг фармойишига биноан Бердимуҳамедов Сердар Гурбангулиевич Ахал вилояти ҳокимининг ўринбосари этиб тайинланди.
Янги лавозимга тайинлангани муносабати билан Сердар Гурбангулиевич Туркманистон ташқи ишлар вазирининг ўринбосари лавозимидан озод қилинди. У бу лавозимга 2018 йилнинг март ойида, парламент аъзолигига сайланганидан кейин тайинланган эди.
Сердар Бердимухамедов 1981 йилда туғилган. Москва ва Женевада ўқиган. 2016 йил у Туркманистон парламентининг депутатлигига сайланган эди.
2017 йилнинг баҳор ва ёз ойларида у бир қатор хорижий давлатларга расмий ташриф буюрди ва юқори лавозимли амалдорлар, жумладан Россия Федерацияси расмийлари билан учрашди. Шунингдек, Ватан олдидаги хизматлари учун мукофотланган.
