Бугун, 28 декабрь куни соат 5:50 да Тошкент шаҳрининг Миробод туманида жойлашган "Ўзэлектроаппарат" заводи биносида ёнғин юз берди.
Тошкент шаҳар ИИББ ёнғин хавфсизлиги ходимларининг тезкор ҳаракати билан ёнғин қисқа муддатда ўчирилгани хабар берилган.
Бошқарма матбуот хизмати хабарига кўра, бинонинг 70 квадрат метр майдони ёниб кетган. Қурбонлар ва жабрланганлар йўқ.
Ёнғин сабабларига аниқлик киритилмоқда.
