Токио суди Nissan корпорацияси бошқарув кенгаши аъзоларидан бири Грег Келлини гаров пули эвазига озод қилишини маълум қилди, деб хабар берди Лента.ру нашри.
Келли Nissan компаниясининг собиқ раҳбари Карлос Гон билан бир вақтда ҳибсга олинган ва 19 ноябрдан бери Токио қамоқхонасида сақланиб келинаётган эди. Унга компания президентининг молиявий ўйинларда иштирок этиш айблови қўйилган. Грег Келли учун белгиланган гаров пули 600 минг долларни ташкил қилади.
