Фазода фавқулодда вазиятга учраган “Союз МС-09” кемаси экипажи Ерга қайтди, дея хабар қилмоқда Gazeta.ru нашри.
Мазкур қурилма Қозоғистон ҳудудига қўнган. Россиялик фазогир Сергей Прокопьев ҳамда Европа коинот агентлиги ва NASA фазогирлари Александр Герст ва Серина Ауньён-Чэнселлордан иборат гуруҳ соғ-саломат ерга қайтишди. Улар коинотда бўлган вақтда илмий-амалий тадқиқотлар бажарган ва станцияни янги қурилмалар билан жиҳозлаш ишларини олиб борган. Август охирида кема билан можаро чиққан. Экипаж аъзолари ҳаво сизиб чиқаётганидан дарак берувчи босимнинг секин-аста пасаётганини пайқагач, кема шпангуотида кичик тешик борлигини аниқлашган.
