Германиянинг Дрезден шаҳрида 4 та зебра циркдан қочиб кетди, деб хабар берди Лайф нашри.
Тахминларга кўра, цирк биносидаги кучли шовқин уларни безовта қилган ва жониворлар қафасларидан биргаликда қочиб кетишган. Шаҳарга чиққач, улар турли томонларга тарқашган. Зебралардан бири парламент биноси олдида, яна бири Эльба қирғоқларидан топилди. Жониворларни топиб қўлга олиш учун 7 та патруль машинаси, полиция гуруҳи ва цирк ходимлари жалб қилинган. Аммо жониворлардан бири циркка қайтарилаётган вақтида ҳалок бўлди. Бунга эса жониворнинг кучли эмоционал стрессда бўлгани сабабдир.
