Бельгия Бош вазири Чарльз Мишель истеъфога чиқишини эълон қилди, дея маълум қилмоқда ТАСС нашри.
У бу қарорини Бельгия томонидан БМТнинг Миграция пактига имзо чекканидан сўнг, сиёсий инқирознинг кучайиши боғлиқлиги билан изоҳлади. Парламентда қилган маърузаси чоғида Мишель муҳолифот ва миграция келишувига қарши намойишларда ҳукумат коалициясини тарк этган собиқ Янги Фламанд иттифоқи билан умумий тил топишолмаслигини тан олди.
