"Манчестер Юнайтед" раҳбарияти 45 ёшли норвегиялик мутахассис, клубнинг собиқ футболчиси Оле-Гуннар Сульшерни жамоанинг янги бош мураббийи сифатида эълон қилди.
Клуб расмий сайти берган маълумотга кўра, Оле-Гуннар Сульшер жамоани мавсум охиригача бошқариб туради.
Маълумот учун, Сульшер "Манчестер Юнайтед" сафида 1996 йилдан 2007 йилгача 366 ўйинда майдонга тушиб 126 гол урган.
Шунингдек, у жамоа билан жами 12 соврин қўлга киритган, шу жумладан 6 марта Англия чемпиони, бир марта ЕЧЛ ғолиби бўлган.
