Қорақалпоғистон Республикасида “Қоракўлчиликни ривожлантириш” жамғармасини ташкил этиш мақсадида АТБ “Халқ банки” Қорақалпоғистон Республикаси филиалида “Қоракўл” уюшмасининг махсус ҳисоб рақами очилди.
“Қоракўлчиликни ривожлантириш” жамғармасига маҳаллий бюджетдан 2 млрд. сўм миқдорида маблағ ажратиш назарда тутилмоқда.
Ушбу жамғарма маблағларини қоракўлчилик субъектларида наслчилик ишларини такомиллаштириш, уларнинг моддий техника базасини мустаҳкамлаш ва наслдор қоракўл қўйларини харид қилиш учун 3 йил муддатга 3 фоизли имтиёзли йиллик ставка бўйича кредит линиялари шаклида йўналтириш белгилаб қўйилган.
