Перу пойтахти Лима шаҳрида жойлашган тарихий бинода ёнғин келиб чиқди, деб хабар берди Лента ру нашри.
Аланга бошланиши билан ичкаридаги одамлар эвакуация қилинган. Қурбонлар ҳамда жароҳат олганлар йўқ. Ёнғиннинг келиб чиқиш сабаби номаълум. Мазкур бино 20 асрнинг бошларида классик меъморчилик услубида қурилган. Олов мазкур бинонинг деярли барча қисмини эгаллаб олди. Ўт ўчирувчилар ўз ишини тўлиқ якунлагач, бино тузилмаси текширилади ва офатнинг келиб чиқиш сабаби аниқланади. Ёнғин газ сизиб чиқиши ёки электр туташуви натижасида рўй бергани тахмин қилинмоқда.
