Япония бош вазири Синзо Абе хитойлик ҳамкасби Ли Кэцян билан учрашиш учун Хитойнинг Пекин шаҳрига етиб келди, деб хабар берди Yandex нашри.
Кутиб олиш маросимидан сўнг икки томонлама музокаралар олиб бориш жараёни бошланган. Бу Абенинг сўнги 7 йил ичидаги Пекинга илк расмий ташрифидир. Унинг 3 кунлик ташрифи Осиёда йирик иқтисодий ўзгаришлар учун янги имкониятлар очиши кутилмоқда. Бу, айниқса, савдо-иқтисодий соҳада АҚШ билан таранг вазиятда бўлган Хитой томони учун қулай имкониятдир.
