Археологлар Перунинг Кусо шаҳрида жойлашган Маркавалле археология масканидан 3 минг йиллик мозорларни топишди, дея хабар бермоқда The Sacramento Bee нашри.
Тадқиқот раҳбари Марина Монроройнинг таъкидлашича, биринчи қабр 20 ёшли йигитга тегишли. Буни тош қабрлар ичида сақланиб қолган суяклардан аниқлашган. Қолганларининг эса ёшини ва жинсини ўрганиш ишлари олиб борилмоқда. Қабрларга безак сифатида тангалар ҳам ташланган. Айрим тахминларга қараганда, бу мозорлар қурбонларнинг қудуғи бўлиши мумкин.
