Буюк Британияда мамлакатни Европа Иттифоқидан чиқариш бўйича иккинчи референдумни ўтказиш юзасидан муҳокамалар бўлмоқда, деб хабар қилмоқда ТАСС нашри.
Маълумотларга кўра, Буюк Британия бош вазири Тереза Мэйнинг нуфузи пастлаши фонида давлат хизматчилари воқеалар ривожининг турлича сценарийларини кўриб чиқишмоқда. Амалдорлар барча эҳтимолий вариантлар учун режалар кўриб чиқилиши керак, жумладан, иккинчи референдумни ўтказиш лозимлигини таъкидлашмоқда. Бундан аввал, Лондонда 700 минг киши иштирокида Brexit бўйича такрорий референдумни ўтказиш талаби билан намойиш ўтказилган эди.
