Мексиканинг Тинч океани қирғоқларига яна бир тўфон ёпирилди, деб хабар берди ТАСС нашри.
Ҳукумат ҳудудга яқин жойлардан одамларни эвакуация қилиш жараёнини бошлаган. Уларга вақтинчалик яшаш учун бошпаналар берилмоқда. Портларда барча кемалар қатнови бекор қилинган. Пуерто-Валларта соҳилида вазият анча жиддий бўлиб, бу ерда атрофнинг остин-устун бўлганини кўриш мумкин. Бўронга хавфнинг 4 -даражаси берилди. “Ҳозирда одамлар бунданда ёмонига тайёрланишмоқда. Тўфон бизни четлаб ўтишига умид қиламиз. Аммо биз бўрон янада кучайиши тўғрисида огоҳлантирилдик”, деди маҳаллий аҳоли вакилларидан бири.
