АҚШ давлат котиби Майк Помпео Саудия Арабистонига ташриф буюрди, деб хабар берди Ren.tv нашри.
У бу ерда шаҳзода Муҳаммад ибн Сулаймон билан учрашди. Суҳбат чоғида саудиялик мухолиф журналист Жамол Хошогийнинг йўқолиб қолиши ва эҳтимолий ўлдирилиши масаласи бўйича сўз борган. АҚШда истиқомат қилувчи Жамол Хашшоги “Вашингтон пост” газетаси шарҳловчиси ҳисобланади. Помпео ушбу воқеага АҚШ ҳукуматининг алоқаси йўқлигини таъкидлаган.
Хабарларга кўра, туркияликлар журналист дипломатик ваколатхона биносида қийноққа солинган ва ваҳшиёна тарзда ўлдирилганини таъкидлашмоқда. Бироқ Саудия Арабистони ҳукумати буни кескин рад этмоқда. Қўшимча маълумот сифатида айтиш мумкинки, Туркия полицияси Саудия Арабистонининг Истанбулдаги бош консули қароргоҳини кўздан кечиришни кейинга қолдирди. Бунга эса саудиялик консул Муҳаммад ал-Утайбанинг 16 октябрда Саудия Арабистонига қайтгани сабаб бўлган.
